Walîyê Şirnexî serekê qorîcîyan reyde AKPyî rê raye wazeno

Walîyê Şirnexî Osman Bîlgîn dewe bi dewe serekê qorîcîyan reyde gêreno û AKPyî rê raye wazeno.

Weçîyayîş rê rojê hûmarteyî mendê. AKP Şirnex de vîneno ke eleqa nêvîneno, îmkananê bînan fîneno kar. Walî, qeymeqam û serekê qorîcîyan xebatanê AKPyî ramnenê.

Walî Bîlgîn verî cû zî seba ke raye bidê AKP muxtarî tehtîd kerdibî. Hetê walîyî ra xeylê cayan de serekê qorîcîyan û eskeran reyde kombîyayîşî ameybî kerdene.

Walî Bîlgîn, qeyyûmê Beledîyeya Cizîrî Nazmî Demîr û têkildarê dewaya JÎTEMî Kamîl Atakî reyde şino dewan û AKPyî rê raye wazeno. Atak hem walîyî reyde hem qeyûmî reyde mîyanê xebatan de ca gêno.

MA / ŞIRNEX