Perwer: Raya xo bidê Partîya Çep a Keske

Hunermendê kurdî Şiwan Perwerî derheqê weçînayîşanê 14ê gulane de ANFyî rê ercnayîşê balkêşî kerdî.

Hunermendê kurdî Şivan Perwerî seba Partîya Çep a Keske venga weçînitoxan da û wina qisey kerd: “Ganî ma weçînayîşan de seba pawitişê kultur û ziwanî raya xo bidê partîya xo Partîya Çep a Keske.”

Şivan Perwerî pare kerd ke Komara Tirkîya esasê înkarê kurdan ser o ronîyaye û vat: “100 serrî yo îqtîdarê AKP-MHPyî zî polîtîkaya înkarî ano ca. Ewro Partîya Çep a Keske kewena weçînayîşî. Partîya Çep a Keske xîtabê pêro şaran kena, aştîye û wayûbiratîye pawena. Birêz Ocalanî tim seba çareserîye xîret kerd, heqê kurdan waştî. Birêz Selahattîn Demîrtaşî tim qala aştî, têdûştî û yewîye kerde. La ê zîndan de yê. Xeylêk hunermend, sîyasetmedar û nuştoxê ma zî surgun de yê. Îqtîdar vano ke ‘ez tirk a, xurt a, eşkena her çî bikera.’ Îqtîdar bi nê hawayî kurdan rê zulm keno.

Perwerî wina dewam kerd: “Ganî ma weçînayîşan de seba pawitişê kultur û ziwanî raya xo bidê partîya xo Partîya Çep a Keske. Wa hînî çew raya xo nêdo partîyanê bînan. Bernameyê Partîya Çep a Keske erjanê ma pawena. Her roje Efrîn, Serêkanîyê, Kobanê û Rojawan de hêrişî yenê kerdene. Ez venga pêro kurdan dana ke 14ê gulane de paştî bidê Partîya Çep a Keske. Ganî pêro partîyê kurdan paştî bidê Çepa Keske. Seba azadîya Rayber Apoyî, sîyasetmedaran û hunermendanê ma 14ê gulane de bi îradeyê xo şorê sindoqan ser û raya xo bidê.”

XWEBÛN