104 hepisxaneyî de çalakîya ‘Abdullah Ocalanî rê azadîye’

MA / Hakan YALÇIN / ENQERA

Hemserekê Şaxa ÎHDyî ya Enqera Omer Faruk Yazmaciyî dîyar kerd ke 104 hepisxaneyî de bi waştişê ‘Abdullah Ocalanî rê azadîye’ çalakîya greva veşanîye yena kerdene.

Hepisxaneyanê Tirkîya û Kurdistanî de bi waştişê ‘Abdullah Ocalanî rê azadî, meseleya Kurdan rê çareserî’ 27 Teşrîna Peyêne de çalakîya greva veşanîye dest pêkerde. Greva veşanîye ya bidore do heta 15ê Sibate 2024î dewam bikera. Hemserekê Şaxa ÎHDyî ya Enqera Omer Faruk Yazmaciyî pare kerd ke 21 hepisxaneyanê Anotolîya Mîyanênî de û pêro pîya 104 hepisxaneyî de girewteyan çalakîya greva veşanîye daya dest pêkerdene.

Sazîyanê têkildaran rê waştişnameyî ameyê erşawitene

Yazmaciyî dîyar kerd ke waştişê girewteyan eşkera yê û va, “Girewteyî vanê tecrîdo ke Birêz Ocalanî ser de yeno ramitene komelî ra vila beno û dîyar kenê ke azadîya Birêz Ocaanî yena vateyê çareserîya meseleya Kurdan. Na çalakîye seba tecrîd û çareserîya meseleya Kurdan yena kerdene.” Yazmaciyî dîyar kerd ke hetê girewteyan ra waştişname û nuşteyî erşawîyayê sazîyanê têkildaran û mîyanneteweyîyan.

Yazamaciyî dîyar kerd ke ganî her kes paştî bidon ê waştişanê girewteyan û va, “Ma ganî vengê girewteyan berz bikerê. Ganî her kes na mesele de destê xo bikerê binê kemere ra. Pandemî ra nata vera girewteyan tecrîdêko giran kewto kar. Wazenê ma têkilîya girewteyan û teberî bivisîya. Girewteyî mîyanê na tenganîye de reyna zî benê vengê komelî. Ma ganî goş bine na gazîye ser.”

Hepisxaneyê Anatolîya Mîyanêne

Yazmaciyî dîyar kerd ke 21 hepisxaneyê Anatolîya Mîyanêne de girewteyan dest bi çalakîya greva veşanîye ya bidore kerde. Nê hepisxaneyî nê yê:

* Afyonkarahisar 1 Nolu T Tipi Kapalı Cezaevi
* Bolvadin T Tipi Kapalı Cezaevi
* Aksaray T Tipi Kapalı Cezaevi 
* Bafra T Tipi Kapalı Cezaevi
* Bolu F Tipi Yüksek Güvenlikli Cezaevi 
* Ereğli Yüksek Güvenlikli Cezaevi
* Eskişehir H Tipi Kapalı Cezaevi 
* Kayseri Bünyan T Tipi Kadın Kapalı Cezaevi
* Kayseri 1 Nolu T Tipi Kapalı Cezaevi
* Kayseri 2 Nolu T Tipi Kapalı Cezaevi
* Kırıkkale Hacılar F Tipi Cezaevi 
* Kırşehir S Tipi Kaplı Cezaevi
* Sincan Kadın Kapalı Cezaevi
* Sincan 1 Nolu Yüksek Güvenlikli Cezaevi 
* Sincan 2 Nolu Yüksek Güvenlikli Cezaevi 
* Çorum T Tipi Cezaevi 
* Çorum Sungurlu T Tip Cezaevi 
* Yozgat 1 Nolu T Tipi Cezaevi
* Yozgat 2 Nolu T Tipi Cezaevi
* Karabük T Tipi Kapalı Cezaevi
* Tokat T Tipi Kapalı Cezaevi