187 rêxistinan ra NY rê gazîye: Hêrîşanê Tirkîya bivindarnê

• 87 rêxistinanê Sûrîye ra, seba ke hêrîşê Tirkîya yê Bakur û Rojhelatê Sûrîyeyî bêrê vindertene Konseyê Ewleyîye yê NY rê gazîye ameye kerdene.

187 rêxistinanê Sûrîye ra, seba ke hêrîşê Tirkîya yê Bakur û Rojhelatê Sûrîyeyî bêrê vindertene Konseyê Ewleyîye yê NY rê gazîye ameye kerdene.

Hetê 187 rêxistinanê Sûrîyeyî ra, vera hêrîşanê Tirkîya malûmatêk ame dayene. Rêxistinan malûmatê xo de dîyar kerd ke, ganî hêrîşê dewleta Tirke cade bêrê vindertiş û hiqûqo mîyannetewî meyero binpaykerdiş.

Malûmatî de ame dîyar kerdiş ke, ganî derheqê hêrîşanê Tirkîya de Konseyê Ewleyîye yo Neteweyanê Mîyannetewîyan kombîyayîşo acîl organîze bikero, goreyê hiqûqê mîyannetewîyî hêrîşan bivinadarno û seba ke cayê sivîlan meyerê bombakerdiş, Tirkîya ser de tada rono.

Bi malûmatî rêxistinan Komîteya Cigêrayîşanê Mîyannetewîyan ra waşt ke wa derheqê binpaykerdişan de raporêko taybet bêro hedrekerdiş. Ame dîyarkerdiş ke, seba ke nê binpaykerdişî bêrê tespîtkerdiş ganî makanîzmayo xoser bêro awankerdiş.

Rêxistinan sazîyanê Ewrûpa rê gazîye kerde ke, ganî hetê înan ra cigêrayîşî bêrê hîra kerdene û sûcê şerî bêrê tespîtkerdene.

Peynîya malûmatî de sazîyanê mîyannetewîyan û sazîyanê heqanê merdiman rê gazîye ameye kerdene ke, ganî hetkarîyî bizêdîyê û seba hewceyîyan xebatî bêrê kerdene.