‘Abdullah Ocalan seba şaranê Rojhelatê Mîyanênî çimeyê hêvîye yo’

• Mabênê 1-10ê Nîsane de bi wesîleyê rojbîyayîşê Abdullah Ocalanî xeylê çalakîyî bêrê viraştene.

Serekê PKKyî Abdullah Ocalan 24 serrî yo ke hepisxaneyê Îmrali de binê tecrîdî de yo. Bi wesîleyê rojbîyayîşê ci do xeylê çalakîyê pîrozkerdişî bêrê viraştene. Mabênê 1-10ê Nîsane de do xeylê çalakîyî bêrê viraştene. 4ê Nîsane de ver bi Amara do rayîrşîyayîşêk bêro kerdene.

Hemserekê MA TUHAY-DERî Mehmet Şafî Erolî derheqê çalakîyanê Îstanbûlî de qisey kerd.

Erolî dîyar kerd ke, bi hereketê azadî yê Kurdan Kurdî bîyê haydar û va, “Seba Kurdan hem sîyaset hem xoverdayîş dest pêkerd. Newroza emserî de waştişê Birêz Ocalanî rê azadîye vejîya ver. Birêz Ocalan seba şaranê Rojhelatê Mîyanênî çimeyê hêvîye yo.”

Gazîya beşdarbîyayîşî

Erolî derheqê çalakîyan de qisey kerd û va, “Mabênê 1-10ê Nîsane de do xeylê cayanê Îstanbûlî de darî bêrê ronayene. Bi rayberîya Dayîkanê Haştîye do gulî bierzîyê derya. 4ê Nîsane de do bi beşdarîya pêro sazîyan malûmatêk bêro dayene. Ma pêro şarê xo silaynenê nê çalakîyan.”

MA / ÎSTANBÛL