Akarsele mezela xo ser de ameye yadkerdene

Endama Merkezê Cigêrayîşanê Jîneolojîyî û rojnamegere Nagîhan Akarsele, serrgêra qetilbîyayîşî de Cîhanbeylî de mezela xo ser de ameye yadkerdene.

Endama Merkezê Cigêrayîşanê Jîneolojîyî Nagîhan Akersele, 4ê Teşrîna Verêne 2022yî de Silêmanîye de ameye qetilkerdiş. Serrgêra qetilbîyayîşî de Nagîhan Akarsele xeylê cayan de ameye yadkerdene.

Akarsele, Konya Cîhanbeylî de, Mehlaya Golyazi de mezela xo ser de ameye yaykerdene. Parlamenterê Partîya Çep a Keske Adalet Kaya, Zeynep Oduncu, Sebahat Erdogan, HDK, TJA, HDP, DBP, xebatkarê Kovara Jîneolojîyî, endamê DFGyî, keye û merdime Akarsele bîyê beşdarê yadkerdişî.

‘Rayîwana rayîrê eqlî yê roşnî’

Yadkerdene bi payravindertişê hurmetî dest pêkerd û dima qerenfîlî ronîyayê mezala ci ser o. Mezele ser de Parlamentera Partîya Çep a Keske ya Amedî Adalet Kaya qisey kerd û va, “Ma serrgêra yewine ya qetilbîyayîşê Nagîhane de tîya de yê. Aye tim persayêne, muhakeme kerdêne, bi eqlê xo şal kerdêne. Timûtim vera polîtîkayanê şîdetî û pederşahîyan xo ver dayêne. Rayîrwana rayîrê eqlî bîye. Seba ma pêroyînan zaf muhîm bîye. Nîya bawer kerdêne ke hîkayeya her cinîyêke taybet a.”

‘Ma do timûtim rayîrê aye ra şorê’

Dewamê qiseykerdişê xo de Kaya va, “Nagîhane seba kitabxaneyê cinîyan Silêmanîye de kede dayêne û uca de ameye qetilkerdene. Serrêke vîyarte û ma hema zî nêzanê gişta kamî mîyan de ya û faîlî kam ê. La ma do çirey xoverdayîşê x ora fek ra meverdê û ma do timûtim rayîrê Nagîhanî yê roşnî ra şorê.”

MERKEZÊ XEBERAN