MGKPyî derheqê Nagîhan Akarsele ke serrêk verî cû amebî qetilkerdiş eşkerayîye daye û ame vatiş ke, “Ma do wayîrê mîrasê aye bivejîyê.”
Platformê Rojnamegeranê Cinîyan ê Mezopotamyayî (MGKP), serrgêra qetilbîyayîşê endama Merkezê Cigêrayîşanê Jîneolojîyî rojnameger Nagîhan Akarsele de eşkerayîya nuştekî daye.
63 rojnamegerî girewte yê
Eşkerarîye de ame vatiş ke, “Nika Tirkîya de 63 rojnamegerî bêhiqûqî girewte yê. Na rewşe zî hele demokrasî û azadîyan ramojnena. Her cayê Kurdistanî de rojnamegerî yenê girewtene, hedef gêrîyenê û yenê qetilkerdiş. Endama Merkezê Cigêrayîşanê Jîneolojîyî, akademîsyen û edîtora Kovara Jîneolojîyî Nagîhan Akarsel a ke dewaya şarê Kurdî de xeylê kede dabî, 4ê Teşrîna Verêne 2022yî de Silêmanîye de bi hêrişa çekdarî ameye qetilkerdiş. Hêrişa ke Nagîhan Akarsele bîye vera pêro cinîyanê Kurdan rê ameye kerdene. Şexsê Nagîhane de, na hêrişe pêro cinîyanê Kurdan rê û dewaya şarê Kurdî rê ameya kerdene.”
Akarsele do meşte bêra yadkerdene
Dewamê eşkerayîye de ame vatiş ke, “Nagîhane, Silêmanîye de bîya beşdarê ronayîşê Merkezê Cigêrayîşanê Jîneolojîyî, reyna xebata Kitabxaneyê Cinîyan ê Kurdistanî de cagirewta û cinîyan rê bîya çimeyê îlhamî. Ma do wayîrê mîras û xoverdayîşê ci bivejîyê û bibê beşdarê merasîmê yadkerdişî yo ke do 4ê Teşrîna Verêne 17.00 de Merkezê Kultur û Hunerî yê Dîcle Firatî de do bêro kerdene. Ma do vera nehaqîyan, girewtişan, bêhiqûqîyan vengê xo berz bikerê.”
MA / AMED
parvê bike
Nûçeyên ku dikare bala we bikşîne
