Aktîvîstanê sîyasîyan va ganî Rayber Ocalan azad bo

în 22 tîrmehê 2022 - 16:07

Aktîvîstanê Sîyasîyan ê Kurdistanê Başûrî va, “Ganî pêro Kurdî paştî bidê kampanyaya azadîya Rayber Ocalanî.”

Aktîvîstanê sîyasîyan ê Kurdistanê Başûrî dîyar kerd ke ganî pêro Kurdî paştî bidê azadîya Rayber Ocalanî. Înan va, “Birêz Ocalan Rojhelatê Mîyanênî de rayberêko pîl o. Bi taybetî zî seba çareserkerdişê meseleya Kurdan.

Simko Reşîdî
SIMKO REŞÎD

Aktîvîsto sîyasî Sîmko Reşîdî va, “Birêz Ocalan rayberêko pîl o. Bi serran ra nat zindanêkî Tirkîya de yo. Mintiqaye têmîyanek a û şerêko giran esto. Nika hewcedarîya Birêz Ocalanî esta ke bi serran ra nat seba haştîye û çareserîya demokratîke kede dano. La dişmenê Kurdan tim rayîrê şerî weçînenê. Ganî Kurdî paştî bide kampanyaya azadîya Rayber Ocalanî. Ez bawera ke na kampanya do serbikewa.”

‘Tirkîya do nêeşka bi rayîrê çekan çîyêkî safî bikera’

EHMED XIDIR

Aktîvîsto sîyasî Ehmed Xidirî va, “Kmpanyaya azadîya Birêz Ocalanî zaf muhîm a. Ganî pêro Kurdî, rêxistinî û heqperestî paştî bidê kampanya. Azadîya fîzîkî ya Birêz Ocalanî seba çareserkerdişê meseleyan elzem a. Tirkîya do nêeşka bi rayîrê çekan çîyêkî safî bikera.”

MERKEZÊ XEBERAN

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.