Awiqatan seba ke Ocalanî bivînê muraceat kerd

sêşem 5 tîrmehê 2022 - 16:40

  • Buroya Hiqûqî ya Asrinî ra awiqatan seba ke Ocalanî bivînê Sawcîtîya Cumhûrîyetî ya Bûrsayî rê û Mudirtîya Hepisxaneyê Îmralîyî rê muraceat kerd.

Buroya Hiqûqî ya Asrinî ra awiqatan seba ke Ocalanî bivînê Sawcîtîya Cumhûrîyetî ya Bûrsayî rê û Mudirtîya Hepisxaneyê Îmralîyî rê muraceat kerd.

Serekê PKKyî Abdullah Ocalan Hepisxaneyê Îmralîyî de binê tecrîdî de yo û 15 aşman ra nat tede pêvînayîşêk nêbîyo. Awiqatanê Buroya Hiqûqî ya Asrinî ra Îbrahîm Bilmez, Newroz Uysal, Mazlûm Dînç û Cengîz Yureklîyî seba ke ey bivînê muraceat kerd.

Pêvînayîşê keyeyê ci yeno qedexekerdiş

Qedexeyê pêvînayîşî 18ê Teşrîna Peyêne 2021î de qedîyayo la reyna zî muraceatan rê cewabêk nêameyo dayene. 29ê Adare 2022yî de awiqatan newe ra muraceat kerd û înan waşt pêvînayîşêk bibo. Hakîmtî cewab dabi û vatibi Ocalanî û girewteyanê bînan cezaya dîsîplînî girewta.

Awiqatan qedexeyê pêvînayîşî kirişt Mehkemaya Qanûnê Bingeyinî

Awiqatan dima qedexeyê pêvînayîşî kirişt Mehkemaya Qanûnê Bingeyinî. Awiqatan muraceatê xo de va, “Xebernêgirewtiş îşkence yo, heqê pêvînayîşî qedexe beno. Nê pêroyî vera cuya taybete û vera keyeyî îxlal ê û nê ganî bêrê tespîtkerdiş.”

Pêvînayîşê peyênî ser ra 15 aşmî vîyertê

Abdullah Ocalan 23 serran ra nat Hepisxaneyê Îmralîyî de binê tecrîdêkî giranî de yo. Heqê telefonî reya verêne 27ê Nîsane 2020î de ame ca. Raya pêroyîye de nêrehetîyî peyda bibî û Ocalan 25ê Adare 2021î de birayê xo Mehmet Ocalanî de telefon de qisey kerdibi û têkilîye nîme de ameybî birnayîş.

3 serran ra nat awiqatî nêşkenê Ocalanî bivînê

3 serran ra nat awiqatî nêşkenê Abdullah Ocalanî bivînê. Awiqatan reyde pêvînayîşo peyên 7ê Tebaxe 2019î de amebi viraştene. Ê tarîxî ra nat aqiqatî nêşkenê muvekkîlê xo bivînê.

MA / ÎSTANBÛL

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.