Polîsê ke Hêlîna 12 serrî kişt tena 6 serrî ceza werde

Mehkemeya qerarî ya polîs Abdullah Ercanê ke domana 12 serrî Hêlîn Şene kiştibî ameye kerdene. Tena 6 serrî û 3 aşmî ceza dîyaye kiştoxî.

Polîsan 12ê Teşrîna Verêne 2015î de qezaya Sûrî ya Amedî de guleyî varnaybî û domana 12 serrî Hêlîn Şene ameybî qetilkerdiş. Qetilbîyayîşe Şene ver, derheqê polîs Abdullah Ercanî de bi sûcê “bi zanayîş bîyo sebebê kiştişî” dewa ameybî akerdene. Mehkemeya qerarî Mehkemeya Cezaya Girane ya Dîyarbekirî de ameye dîyayene. Polîs Ercan SEGBÎSî ser ra beşdarê mehkema bi. Dayîka Helîn Şene Nazmîye Şene, pîyê aye Ekrem Şen û awiqatê ci Abdullah Zeytûn, Yakup Guven û Ercan Yilmaz zî mehkema de hedre bîyê.

Parlamenterê Partîya Têduştî û Demokrasî ya Şaran ê Amedî Serhat Eren û Adalet kaya û endamê Baroya Amedî û OHDyî zî mehkema teqîb kerd.

Mehkema de dozgerî mutalaaya dewa tekrar kerd û waşt polîs Ercan bi sûcê “bi zanayîşî bîyo sebebe kiştişî” 2 serran ra heta 6 serran cezaya hepsî bidîya ey.

Mehkema, sûcê “bi zanayîş bîyo sebebe kiştişî” ra 6 serrî û 3 aşmî cezaya hepsî daye polîs Abdullah Ercanî.

XWEBÛN