Bernameyê aşma Sibate yê Şanoya Bajêr a Amedî ame eşkerakerdiş

Şanoya Bajêr a Amedî do aşma Sibate de bi 9 kayan bivejîya vernîyê heskerdoxanê tîyatroyî.

Bernameyê aşma Sibate yê Şanoya Bajêr a Amedî ame eşkerakerdiş. Aşma Sibate de do 9 kayî bêrê kaykerdene. Nê kayan ra 4 hebî kayê mêman ê, 5 kayî zî kayê şano bi xo yê. Kayî do sehneyê Şanoya Bajêr a Amedî de bêrê kaykerdene.

2-3yê Sibate de do bernameyê Sibate bi kayê mêmanî yê ‘Seyrana Li Çeper’ saete 19.30 de bêro akerdene. 4ê Sibate saete 19.30 de kayê ‘Dek û Dolapên Scapan’ do bêro kaykerdene. Eynî kay do 10-11ê Sibate saete 19.30 de bêro kaykerdene. 12ê Sibate de do kayê grûba Mavî Maskeyî ‘Sabun Perisi ve Mikroplar’ saate 14.00 de bêro kaykerdene. Eynî roje do reyna kayê eynî grûbe ‘Bir İshaksin Bir Cemil’ saete 19.00 de bêro kaykerdene. 

17-18ê Sibate de do kayê Şanoya Bajêr a Amedî ‘Hema Hema Jin Elîzabeth’ saate 19.00 de bêro karkerdene. 19ê Sibate de do kayê Tîyatro Rîtuelî ‘Çîrokeke Cengê’ saate 19.00 de bêro kaykerdene. 24-25ê Sibate de do reyna kayê ‘Hema Hema Jin Elîzabeth’ saate 19.30 de bêro kaykerdene. Bernameyê aşma Sibate do bi kayê ‘Masîreşka Biçûk’ bêro qedîyayîş. Kay do 26ê Sibate saete 19.30 de bêro kaykerdene.

MA / DÎYARBEKIR