Fûarê Kitaban ê Mezopotamyayî do meşte Amed de dest pêbikero

MA / Bazîd EVREN / AMED

Nêzdîyê 200 weşanxaneyî do bibê beşdarê fûarî û 600 hezar zîyaretkerdoxî yenê pawitene.

Odaya Tîcaret û Sanayî ya Amedî (DTSO) û Eylul Fûarcitîye do mabênê 16-24ê Kanûne de Merkezê Fûar û Kongre yê Mezopotamyayî de Fûarê Kitaban ê Mezopotamyayî bikerê. Fûar, 4 serran ra dima yeno viraştene û nêzdîyê 200 weşanxaneyî do bibê beşdarê fûarî.

600 hezar zîyaretkerdoxî yenê pawitene

Îdarekarê DTSOyî Farûk Korkmazî derheqê fûarî de qisey kerd û va, “Nêzdîyê 300 nuştox, şaîr û roşnvîrî do bibê beşdarê fûarî. Ma 600 hezar zîyaretkerdoxan pawenê. Ma reklam û bultenê xo bi Kurdkî û Tirkî hedre kerdê. Fûarî de do nuştoxê Kurdî û Weşanxaneyê Kurdkî wendoxan de bêrê têhet. Hedreyîyê peyênî yenê kerdene. Ma pêro şarê xo silaynenê fûarê kitaban.”