Namzetê DEM Partî yê Beledîyeya Bajarê Pîlî ya Amedî eşkera bîyê

Serra Bucak û Dogan Hatunî sey namzetê DEM Partî yê Beledîyeya Bajarê Pîlî ya Amedî ameyê weçînayene.

Verweçînayîşê DEM Partî yê Amedî 17 qezayan de ame kerdene û netîceyî dîyar bîyê. Verweçînayîşê hemserekanê camêrdan mendibi tura dîyine. Tura dîyene mabênê Garîp Kandemîrî û Dogan Hatunî de vîyarte. Hûmartişê rayan ra dima, Dogan Hatunî se ra 64î yê rayan girewt û bi namzetê hemserekîya Beledîyeya Bajêrê pîlî ya Amedî.

Hetê Rêxistinê DEM Partî yê Amedî ra eşkerayîye ameye kerdene û ame vatene ke, “Weçînayîşê Tura dîyine yê hemserekîya Beledîyeya Bajarê Pîlî ya Amedî ewro temam bi. Pêro sindoqî abîyê û pêro rayî ameyê hûmaritene. Garîp Kandemîrî se ra 34ê rayan girewto û Dogan Hatunî se ra 64ê rayan girewto. Dogan Hatun bîyo namzetê hemserekîya Beledîyeya Bajarê Pîlî ya Amedî.”

Cinîyan ra zî Serra Bucak tura verêne de bibî namzete. Namzetê DEM Partî yê Amedî netîceya verweçînayîşî de eşkera bîyê.

MA / AMED