Cayo ke hetê medyaya îqtîdarî ra sey Gabarî ame ramojnayîş Venezuela vejîya

Dîmenê ke Venezuela de amebî antene sey ‘Gabar de petrol bilqeno’ ameyê servîskerdiş.

Dîmenê ke Venezuela de ameyê antene hetê medyaya îqtîdarî ra sey Gabarî ameyê ramojnayene. A Haber pare kerde ke ‘Gabar de petrol bilqeno! Hinî halînê terorî ney yê enerjîyî yo’. Rojnameyê Sabahî zî eynî îfadeyî pare kerdê. 

TRT Haberî dîmenî pare nêkerdê la sey xebere ame vatiş ke, “Şirnex de 150 mîlyon varîl rezervê petrolî ameyo keşfkerdiş. Koyê Gabarî de rojêk de 5 hezar varîl petrol vejîyeno.”

Dîmenî Venezuala de ameyê antene

Eşkera bi ke dîmenî Venezuela de ameyê antene. Naye ser o xeylê kesan rexneyî kerdê. Rojnameyê Sabahî xebere twitter ra û keyepela xo ra wedarnaye. 

MERKEZÊ XEBERAN