Walîyê Şirnexî seba ke raye bidê AKPyî muxtarî tehtîd kerdê

Walîyê Şirnexî Osman Bîlgînî muxtaran reyde kombîyayîşêk kerd û seba ke raye bidê AKPyî ê tehtîd kerdê.

Walîyê Şirnexî Osman Bîlgînî namzetanê AKPyî ra ver bajar de dest bi xebatanê weçînayîşî kerdê. Walîyî Fermandarîya Cendirmeyan a Qezaya Basayî de muxtaran reyde kombîyayîşêk kerd û seba ke raye bidê AKPyî ê tehtîd kerdê.

Seba AKPyî muxtarî tehtîd kerdê

Kombîyayîşî de bi mecbûrî pêro muxtarî ameyê têhet û walîyî seba ke raye bide AKPyî ê tehtîd kerdê. Goreyê malûmatanê muxtaran Bîlgînî nê çîyî vatê: “Her kes dewa xo û mehlaya xo ra berpirsîyar o. Eke şima raya xo medê AKPyî bifikirê weçînayîşî dima ez çi ana şima ser de. Ez zana, şima do şorê vajê ‘walîyî ma tehtîd kerdê’, heya ez tehtîd kena. La ganî şima naye bizanê, eke netîce sey ma mevejîya, ez do dima şima reyde qisey bikera. Ez Reîsî bi şima nêdana werdene.”

Heto bîn ra yeno dîyarkerdiş ke, walî Bîlgîn şîyo Qileban û Elkê zî û bi muxtar, endamanê emnîyetî, esker û serekanê tayê eşîran de kombîyayîşî kerdê.

MA / ŞIRNEX