Xoverdayîşê Emîne Şenyaşare bi belgefîlmêk

Nûçeyên Komel û Cuye

pêncşem 20 Çiriyê 2022 - 10:26

Xoverdayîşê Emîne Şenyaşare vernîyê Edlîyaya Rihayî de 590 rojî yo ke dewam keno. Derheqê nê xoverdayîşî de belgefîlmêk ameye hedrekerdiş.

14ê Hezîrane 2018î de Pirsûs de hetê pawitoxanê wekîlê AKPyî Îbrahîm Halîl Yildizî ra 2 lajê û mêrdeyê Emîne Şenyaşare ameyê qetilkerdiş. Emîne Şenyaşare û lajê ci Ferît Şenyaşar seba edaletî 590 rojî yo ke xoverdayîşê edaletî danê. 

Xoverdayîşê Emîne Şenyaşare verî cû zî bi babetê belgefîlmêk û kitabêk. Derheqê xoverdayîşê Şenyaşaran de belgefîlmêka newîye ameye hedrekerdiş û fragmanê belgefîlma ‘Seba Edaletî’(For Justice) ame weşanayîş. Fragmanê belgefîlme hetê derhênera ci Elîf Yîgîte ra hesabanê aye ser ra ame weşanayîş.

‘Mi waşt paştî bida nê xoverdayîşî’

Derhênera belgefîlme Elîf Yîgîte va, “Dayîkî seba edaletî xo ver danê. Seba ke no zulim dinya de bêro zanayene, mi waşt paştî bida nê xoverdayîşî. Temaşekerdoxî do xoverdayîşê Emîne Şenyaşare nêzdî ra bivînê. Ma belgefîlme erşawite festîvalanê mîyannetewîyan. Demêk cûwa pey do tarîxê ramojnayîşî dîyar bibê.”

MA / RIHA

parvê bike

   

Yeni Özgür Politika

© Copyright 2023 Yeni Özgür Politika | Mafên belavkirinê parastî ne.