Cinîya Kincsûre

Nûçeyên Komel û Cuye

pêncşem 13 Çileyê 2022 - 01:21

  • Nafîye Naz Qezaya Çewlîgî ya Çerme de cuwîyena. Daya Nafîye des serrîya xo de hewnêk dî û a roje ra nat 67 serran ra nat kincanê sûran dana xo ra.

Nafîye Naz Qezaya Çewlîgî ya Çerme de cuwîyena. Daya Nafîye des serrîya xo de hewnêk dî û a roje ra nat 67 serran ra nat kincanê sûran dana xo ra.

Daya Nafîye vana, “Wexto ke ez xestexaneyî de emelîyat bîya mi va verpêşa sûre bidîn mi ra. Mi va nêbo ez emelîyat nêbena, înan zî verpêşêka sûre daye mi ra û ez hema emelîyat bîya. Daya Nafîye wayîra 11 domanan û 23 tornan a. Des serrrîya xo de hewnêk dî û hewnî de kalêko erdîşsipî aye ra va, ti ganî heya mergê xo kincanê sûran xo ra bidî. Nê hewnî aye ser de zaf tesir kerd û a zî a roje ra nat kincanê sûran dana xo ra. 

Wa kefenê mi zî sûr bo

Pûçan ra bigere heta laçike pêro kincê aye sûr ê. "Kalikê mi tim mi rê kincê sûrî ardêne. Wexto ke ez merda ez wazena wa kefene mi zî sûr bo. Nika zî keynaya mi ke Awusturya de cuwîyena mi rê kincanê sûran erşawena. Kam ke mîyanê kincanê sûran de mi vîneno şaş maneno. Reyêk Çerme de xortêk ez dîya, va, ez dinya ra gêraya mi cinîya sey to nêdî û xeylê fotografê mi antê." Yew lajê ey muxtarê dewa înan o, daya Nafîye pêro kincê xo zewicnayeyê. Seba ke destê xo ra emelîyat bîya nêşkena karanê keyeyî bikero la mêrdeyê aye ci rê hetkarî keno.

Ez zî sûrî ra zaf hes kena

Mêrdeyê aye Hîkmet Cazî va,”Nafîye hewnêkî xo ver kincê sûran dana xo ra la ez zî rengê sûrî ra zaf hes kena. Ma 55 serrran ra nat zewicnayeyê û ma yewbînî ra hes kerd û zewicîyeyî la sînayîşê ma hema zî kêm nêbîyo”.

MERKEZÊ XEBERAN

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.