Şarê Maxmûrî hêrîşa Tirkîya ya Silêmanîye protesto kerd

Hetê Şarê Maxmûrî ra hêrîşa Tirkîya ya ke vera teyyaregehê Silêmanîye amebi kerdene bi malûmatêk ame protestokerdene.

Tirkîya, 7ê Nîsane de bi ÎHAyan hêrîşa teyyaregehê Silêmanîye kerdibî. Na hêrîşe, hetê wendekar û şênîyanê kampa Maxmûrî ra ameye propestokerdene. 

Malûmato çapemenî hetê Endamê Îdareyê Lîseya Şehîd Koçerîne Mustafa Ergenî ra ame wendene.

Mustafa Ergenî, hêrîşa 7ê Nîsane şermezar kerd û malûmatî de nê çîyî vatê:

“Pêro leteyanê Kurdistanî de rayberê Kurdî yê ke seba şarî kede danê, xo ver danê û canfeda yê raştê hêrîşan yenê. Reyna rayberanê Rojavayî ra yew seba pêvînayîşan şibi Silêmanîye û pêvînayîşî ra dima raştê hêrîşe ame. Rejîmê AKP-MHPyî û xayinê ke mîyanê kurdan de yê hêrîşa kesê ke vengê kurdan berz kenê û rûmetê înan pawenê kenê. Ma zî sey wendekar, mamoste û şarê Maxmûrî gazîya raya pêroyîye kenê ke, wa wezîfeyê xo yê merdimîye biyarê ca.”

ROJNEWS/MEXMÛR