Hunermende Zînê Ehmede bale ante girîngîya Şorişê Rojawa û wina vat: “Senî ke cinîyan serkêşîya şorişî kerd, ewro zî serkêşîya şorişê kultur û hunerî kenê.”
Zînê Ehmede heme domanîya xo ra muzîk rê eleqedar bena û 2018 de Merkezê Kultur û Hunerî yê Aram Tîgranî de tewrê xebatanê hunerî bena. Zînê ke wazena biba hunermenda pîle ya kurdan verî dest pê muzîkî kena dima ra tîyatro. Domanîya xo de tewrê Grûba Tîyatroyî ya Şehîd Yekta Herekolî bena. Pede pede xo aver bena û sey ciwanêke tewrê Grûba Tîyatroyî ya Şehîd Hêvî bena. Nika koma xo ya verêne de ders dana domanan.
Zînê Ehmede vat, “Goreyê raştîya komelî huner de cagirewtişê cinîyan hend nêameyêne qebulkerdene. Komelî manaya hunerî nêzanayêne. Huner sey çîyê muhîmî nêhesibnayêne. Heqîqetê komel û hunerî nêameyêne zanayene. La nika, gama ke ma ver bi serra 12. ya şorişî şinê, ma vînenê ke senî zaf çî ameyo bedilnayene. Şoriş hinî hunermendanê xo weye keno. Domanî, pîlî mîyanê xebatanê hunerî de cayê xo genê. Têkîlîya huner û komelî bena hêzdar. Senî ke cinîyan serkêşîya şorişî kerd, ê ewro zî serkêşîya şorişê kultur û hunerî kenê.”
XWEBÛN
parvê bike
Nûçeyên ku dikare bala we bikşîne
