CPT ganî gamanê elzeman bierzo

în 27 Çileyê 2023 - 14:58

Emma Persichetti ya ke mîyanê heyetê Amedî de ya dîyar kerd ke, vera CPTyî bêbawerîye esta û seba ke na wedarîya ganî CPT gamanê elzeman bierzo.

Delagasyono Mîyannetewî yo Vera Tecrîdî ra 12 kesî seba têgêrayîşan ameyê Amed. Roja verêne heyet keyeyan reyde ame têhet û Mecrîsa Dayîkanê Haştîye û MED TUHAD-FED ameyê zîyaretkerdiş. Zîyaretan de tecrîdî û rewşa hepisxaneyan ser o erjnayîşî ameyê kerdene û para sazîyanê mîyannetewîyan ameye nîqaşkerdiş. Zîyaretê heyetî dewam kenê.

Awiqat Emma Percishetti ya ke Roma ra ameya Amed û endamê heyetî ya, Jinnews ra Rojda Aydine rê erjnayîşî kerdê.

Binpaykerdişê heqê merdiman

Emma Persichetti dîyar kerd ke, ê prosesê tecrîdî nêzdî ra teqîb kenê û va, “Na rewşe binpaykerdişê heqê merdiman a. La ez bawer nêkena ke Ewrûpa wayîrê na hişmendîye yo. Mehkemaya Heqanê Merdiman a Ewrûpayî qeraranê xo ke dana înan teqîb nêkena û no binpaykerdişê heqê merdiman o.”

Vera CPTyî bêbawerîye

Persichetti dîyar kerd ke, vera CPTyî bêbawerîye esta û va, “Ez zîyaretan de pêhesîyaya ke vera CPTyî bêbawerîye esta. Ganî CPT zî gamanê elzeman bierzo. Perspektîfo mîyannetewî de ma eşkenê se bikerê, ganî ma naye ser o bifikirê û têbigêrê. Ma ganî paştî bide yewbînî. Wexto ke ma agêrayê welatanê xo, ma ganî ser o bifikirê ke ma eşkenê se bikerê. Ma seba ke rewşe fam bikerê tîya de yê. Xebatê ma do agêrayîşî ra dima zî dewam bikerê. 

Ma do bale biancê tecrîdî ser

Persichetti dîyar kerd ke, ê do bibê teqîbkarê tecrîdî û va, “Ma do bale biancê tecrîdî ser o û çi destê m ara bêro ma do bikerê. Ma do na bêhiqûqîye biyarê rojene. Ma wazenê tîya de derheqê prosesî de zîyaretan bikerê. No derheq de xebatê ma do dewam bikerê.”

YENÎ YAŞAM

parvê bike

   

Yeni Özgür Politika

© Copyright 2024 Yeni Özgür Politika | Mafên belavkirinê parastî ne.