Dayîkanê Haştîye ra vera tecrîdî çalakîye

• Înîsîyafîfê Dayîkanê Haştîye dîyar kerd ke, wa tecrîdo ke Abdullah Ocalanî ser de yeno ramitene wedarîyo.

Înîsîyatîfê Dayîkanê Haştîye, vera tecrîdî vernîya awanîya înîsyatîfî ya Aksarayî de çalakîyêk viraşt û malûmatêk ame dayene. Aktîvîstanê TJAyî zî paştî da çalakîye. Pankartê ‘Ma do haştîyêka birûmete awan bikerê’ ame akedene û sloganê ‘Bicuwîyo xoverdayîşê zîndanan’ û ‘cinî, cuye, azadî’ ameyê eştene. 

‘Vengê ma bieşnawê’

Dayîka Haştîye Guler Bugdaye, bale ante polîtîkayanê tecrîdî ser û va, “Ewro şarê Kurdî û Rayberê Şarê Kurdî ser de tecrîdêko giran yeno ramitene. Ma Dayîkê Haştîye qet yew halî de şer nêwazenê. Wa hinî goşanê xo akerê û vengê dayîkan bieşnawê. Haştîwaştoxî, dostê Kurdan, nuştoxî, demokratî û bi hezaran kesî hepisxaneyan de binê tecrîdî de yê û no tecrîd çend şino giran beno.”

‘Vera şerî ganî vengêko berz bivejîyo’

Bugdaye va, “Tecrîd şer o, tecrîd hesîrê çiman o. Tecrîd pêro komelî ser de yeno ramitene. Bubo Taş û Mehmet Akarî xo vera tecrîdî vêşna. Ma vanê hinî bes o. Wa şer bêro vindertiş û tecrîd bêro wedartiş. Dayîkanê eskeran ra zî ganî vera şerî vedngêko berz bivejîyo.”

Çalakîye, bi sloganan ameye qedîyayîş.

MA / ÎSTANBÛL