Derheqê hêrişan de dosyayêk dîyaye NYyî
duşem 26 hezîranê 2023 - 08:09
Hetê Kongra Starî ra seba ke sehaya hewayî ya Bakur û Rojhelatê Sûrîyeyî Tirkîya ra bêra girewtene dosyayêk dîyayê NYyî.
Komîteya Têkilîye ya Kongra Starî derheqê hêrişanê SÎHAyan ê Tirkîya de dosyayêk hedre kerde û pêşkêşa NYyî kerde. Dosya de hêrişî hetê hiqûqî ra gêrîyayê dest û bala ancîyaye hêrişa Tirkîya ya verên a ke bi SÎHAyan 23ê Hezîrane 2020î de amebî kerdene. Hêrişe dewa Kobanî ya Helincê rê bibî û 3 endamanê Kongra Starî Zehra Berkel, Hebûn Mela Xelîl û Emîne Weysê cuya xo vîndî kerdibî.
Sereyê serre ra nat 31 hêrişî
Dosya de ame dîyarkerdiş ke hetê Tirkîya ra sereye serre ra nat 31 hêrişî ameyê kerdene û nê hêrişan de 48 kesan cuya xo vîndî kerda. Reyna ame dîyarkerdiş ke 12ê Hezîrane ra nat hêrişê Tirkîya zêdîyayê û nê hêrişan ver bi desan kesan cuya xo vîndî kerda.
3 kesî ameyê qetilkerdiş
Ame dîyarkerdiş ke Qamişlo de hêrişa Tirkîya ver Yusra Derwêş, Leyman Şiwêş û Firat Tûma cuya xo vîndî kerde. Dosya de ame dîyarkerdiş ke Tirkîya wazena mintiqa bêîstîqrar bikera, xoverdayîşê vera DAÎŞî zeîf bikera û sîstemê demokratîkî çin bikera.
Waştişî
Dosya de koalisyon û komelê mîyannetewî rê gazîye ameye kerdene ke wa nê hêrişan bivindarnê. Ame waştiş ke wa sehaya hewayî ya Bakur û Rojhelatê Sûrîyeyî SÎHA û ÎHAyan3e Tirkîya rê bêrê girewtene. Ganî Tirkîya sûcanê xo ver bêra mehkemakerdiş û mintiqa ra biancîya.
MERKEZÊ XEBERAN