Dewaya GOÇÎZDERî de 4 kesî tehlîya bîyê

Dewaya ÇOÇÎZDERî de mehkema awiqatî nêgirewtê zere û heqê 4 kesan de qerarê tehlîya da.

Dewaya GOÇÎZDERî roja xo ya 3ine de Hepisxaneyê Sîlîvrîyî de dewam kerde. Awiqatan îtîraz kerd ke waştişî çira nêameyê goştaritiş. Awiqatî bi destê cendirmeyan ewwane ra ameyê vetiş. Mehkema waştişê girewteyan girewtê û mabên da. Awiqatan waştişnameyê reddî hakimî da. Mabên ra dima mehkema dewam kerde.

Mehkema destûr da ke çapemenîye, temsîlkarê komeleyan û temaşekerdoxî bikewê eywane. Waştişê reddî hakimî yê awiqatan ame redkerdiş û awiqatî nêgêrîyayê eywane. Sawcîtîye derheqê nêweş Îlyas Erdemî de tehlîya waşte û derheqê girewteyanê bînan de waşt ke halê girewtişê înan dewam bikero. Mehkema reyna mabên da.

4 kesî tehlîya bîyê

Mehkema, mabên ra dima derheqê Songul Kose, Kamîle Kandal û nêweşan Veysî Yildiz û Îlyas Erdemî de qerarê tehlîya da. Derheqê 13 kesan ê girewtîyan de zî qerarê dewamê girewtişî da. Waştişê reddî hakimî zî ame redkerdiş û mehkema taloqê 4-5ê Çeleyî bî.

Mehkema qerar da ke do mehkema Hepisxaneyê Sîlîvrîrî de biba. Qerar hetê temaşekerdoxan ra bi çapikan protesto bi.

MA / ÎSTANBÛL