Amed de protestoyê komloya mîyannetewîye: Çareserîya krîzan Abdullah Ocalan o

duşem 10 Çiriyê 2022 - 09:56

  • Dîyarbekir de binê ablûkaya polîsan de komploya mîyannetewî ameye protestokerdiş. Şarî va, “Rayîrê çareserkerdişê meseleya Kurdan û haştîye Îmrali ra vîyareno.”

Rayberîya DTK, TJA, DBP, HDP, MEBYA-DER, TUAY-DER, Înîsîyatîfê 78îyan û OHDyî de seba protestokerdişê komploya mîyannetewîye Dîyarbekir de rayîrşîyayîşê azadîye ame viraştene. Girse vernîyê Hepisxaneyê Dîyarbekirî yê Dyî de ame pêser û ver bi Cehdeyê Emekî kewt raye.

Girse rasa Cehdeyê Emekî û tîya de hetê polîsan ra gêrîya ablûka. Mîyanê girseyî de parlamenteri zî estibî û tîya de komplo û abluka bi tilîlîyan ameyê protestokerdiş. Ciwanî ver bi cehdeyêkî bînî kewtê raye û slogananê ‘Bijî Serok Apo’, ‘Jin, Jiyan, Azadî’ û ‘Bijî Berxwedana Zindanan’ reyde rayîrşîyayîşê ciwanan dewam kerd.

Ablûkaya Emnîyetî

Girse hetê xeylê polîsan ra Cehdeyê Emekî de gêrîya binê ablûkayî û Hemserekê HDPyî yê Dîyarbekirî Zeyat Ceyla û Gulîstan Atasoy û Hemserekê DBPyî yê D3iyarbekirî Hayrettîn Altun û hewt kesê bînî gêrîyayê binê çimî.

Beştaş: Mîyanê ecizîye de yê

Parlamentera HDPyî Meral Daniş beştaşe derheqê ablûkaye de va, “Îqtîdarê AKP-MHPyî bi rayanê îllegalan şarî ser de tehda nano ro. Heqî yenê binpaykerdiş, xoza yena talankerdiş û protestoyê komploya mîyannetewîye yeno qedexekerdiş. Raşta zî mîyanê ecizîye de yê. Ê do meeşkê bi tersî îqtîdarê xo biramnê. Ê do bierzîyê çopê tarîxî. Wezîrê Karanê Zereyî Soylû bîyo wezîrê karanê sûcî.

Aydenîze: Rayîrê çareserîye Îmrali ra vîyareno

Hemssereka DBPyî Salîha Aydenîze va, “Na ablûka rewşa Tirkîya ramojnena. Ma komploya mîyannetewîye û destegîranê ci şermezar kenê. Komplo ewro bi tecrîd û krîzan dewam kena. Bi tecrîdî û îşkenceyan şarî rê zulim yeno kerdene. Birêz Abdullah Ocalan çareserîya krîzan o. Rayîrê çareserkerdişê meseleya Kurdan û yê demokrasi û haştîye Îmrali ra vîyereno. Tecrîd dewam bikero, do krîzî hîna bibê giran. Eke tecrîd hema dewam keno, no bêvengîye ver beno. Ganî ma pêro pîya vera tecrîdî vengê xo berz bikerê. Çiqas ablûkayî û tehdayî bibê zî, ma do seba azadîya Birêz Abdullah Ocalanî heya peynî xo ver bide.”

MA / AMED

parvê bike

   

Yeni Özgür Politika

© Copyright 2024 Yeni Özgür Politika | Mafên belavkirinê parastî ne.