Do felaketê pîlî biqewimîyê!
în 22 tîrmehê 2022 - 15:49
- Heyva Sor a Kurde va, "Hêrîşêka newîye do komanê terorîstan bizêdîna".
Heyva Sor a Kurde derheqê gef û hêrîşanê Tirkîya de Qamişlo de malûmatêk da.
Heyva Sor a Kurde derheqê gef û hêrîşanê Tirkîya de Qamişlo de vernîyê merkeze xo de malûmatêk da. Malûmato nuştekî bi Kurdkî û Erebkî ame wendene.
Heyva Sor a Kurde malûmatê xo de va, “Bakur û Rojhelatê Sûrîyeyî demêkî dergi nat raştê gef û hêrîşanê Tirkîya yeno. Kmpanê mintiqa û Sûrîyeyî de 100 hezar ra zêder koçberî estê. Ma sazgeyanê hetkarîyan reyde xebitîyenê la hetkarîyî kêm manenê. Na rewşe ver zaf rey xebatê raştê astengîyan yenê û ma nêşkenê pêro xizmetan biramnê. Bêîstîqararîye û bêewleyîye ver ma nêşkenê şorê xeylê mintiqayan.
Eke Bakur û Rojhelatê Sûrîyeyî rê hêrîşêka newîye biba, do şar bibo koçber û felaketê pîlî biqewimîyê. Ma komela mîyanneteweyîye ra vanê seba ke nê felaketî mebê wa hêrîşî bêrê vindarnayîş û sehaya hewayî bêra padayîş.”
ANHA / QAMIŞLO