- Elîşêr Efendî û Zarîfe Xatûne rayberê Xoverdayîşê Qoçgîrîyî bî. Qetilbîyayîşê înan ser ra 85 serrî vîyertê.
Elîşêr Efendî û Zarîfe Xatûne rayberê Xoverdayîşê Qoçgîrîyî bî. Qetilbîyayîşê înan ser ra 85 serrî vîyertê.
Şûbeya Enqarayî ya Komeleya Elewîyan a Demokratîke serrgêra qetilbîyayîşê înan de Elîşer Efendî û Zarîfe Xatûne yad kerd. Hetê komeleye ra malûmatêk ame weşanayîş.
Malûmatî nîya ame vatene:
“2 rayberê Xoverdayîşê Qoçgîrîyî;
Elîşêr û Zarîfe Xatûne giredayîyê dewaya xo bî. Înan yewbînî sey hemraye dîyo û xoverdayîşê xo bin o qeyde dayo. Dima şonê Dêrsim û bene hemrayê Seyîd Rizayî. 9ê Temûze 1937î de Koyê Tujikî de şikewtêk de Rayberî reyde nanê xo pare kenê. La dewlete xayînî pê pereyan hêrînayê û vata şima ganî sereyanê înan biyarê. Raybero xayin û merdimê ci Elîşêr û Zarîfe Xatûne fînenê dame û înan kişenê.
Înan bi xoverdayîşê xo rêça xo verdaya, ê bîyê sembolê xoverdayîşê nasnameyî. Ma Elîşêr Efendî û Zarîfe Xatûne serrgêra 85ina qetilbîyayîşê înan de bi hurmetî yad kenê.
Wa dewrê înan daîm, xoverdayîşê înan rayîrê ma rê roşn bo…”
PÎRHA / ENQERA
