Keynayanê Vîndîbîyayeyanê Dêrsimî ra Fatma Îçîn wefat kerde

• Fatma Îçîn Kolika Semsûrî de wefat kerde. 

Fatma Îçîn Kolika Semsûrî de wefat kerde. Cigêrayox Kazim Gundoganî va, “Hîkayeya Fatma û Hurîye teze tarîxê resmîyi rijnayo û yewna resim veto vernîya ma. Tarîx nê belgeyi qeyd kerdê. Ma deyndarê înan ê. Ez înan bi hurmetî yad kena.”

Cuya daya Fatma kitabê Nezahat Gundogan û Kazim Gundoganî yê ‘Keynayê Vîndîbîyayeyî yê Dêrsimî – Tertelê Çênekû’yî de ca girewtibî. Dima no kitab sey belgefîlmêk ame antene. Fatma wextê terteleyê Dêrsimî de hetê eskeran ra ameybî berdene. Fatma hema des serrî bîye. Bi seyan kênekî hetê eskeranê Tirkan ra ameyê berdene. 

‘Wayê ma Elewî yê’

Daya Fatma xeylê serran ra dima waya xo Bursa de dîye. Ê wexto ke ameyê têhet, Hurîye va ‘Wayê ma Elewî yê’ û daya Fatma zî verê aye de nimac nêkerd. Gundoxanî va, “Eke belgefîlmê ‘Di gileyê porî – Keynayê Vîndîbîyaye yê Dêrsimî’ de înan qisey mekerdenê, xebera ma nê keynayanê vîndîbîyayeyan ra çine bî. Badê qiseykerdişê înan na mesele ameyê qiseykerdene. No sebeb ra hîkayeya înan tezê dewlete puç veto û no qeydê tarîxî bîyo. Ma sey komele pêropîya deyndarê nê keynekan ê. Ez bi hurmetî înan yad kena.”

PÎRHA / SEMSÛR