Eşlîye Çîçe û Necef Dûman ê ke Terteleyê Dêrsimî ra weş xelisîyaybî şîyê heqîya xo.
Şahidanê Terteleyê Dêrsimî ra Eşlîya Çîçe ya ke dewa Xozatî ya Zimek ra ya û şahida bîn a ke dewa Hopike ra Necef Dûman a ke binê maya xo Bese de mendibî û xelisîybî şîyê heqîya xo. Her di şahidê Terteleyê Dêrsimî, vizêr dewa Zimekî de ameyê wedartene.
Eşlîye Çîçe, verî cû PÎRHA rê behsê terteleyî kerdibî û nê çîyî vatibî: “Eskeran her kes berd cayê cuwenî. Uca de tifingo bimakîne amebi ronayene. Her kes qîra û tayê remayê. Cinî û camêrdî ameybî abirnayene û înan vatibi ma ‘futografê şima ancenê’. Înan ma berdî ko, ma domanî bermayêne. Maya mi ez Vista mîyanê palanê xo. Waya mi zî dawista sîneyê xo û xo erdî ra derg kerd. Sunguyêk raştê paştîya mi ame, mi bi destê xo ant. Mi yewna vet û destê mi bêhereket mend û înan va merda û şîyê. Tarî ke dîya cinîyêka ciwane ameye û va ‘Eskerî şîyê kam ke weş o wa wirzo’. Ma Hopike de ameye qetilkerdiş, ma kincanê înan ra merdeyanê xo şinasnayêne.”
MA / DÊRSIM