Endama IPPNWyî Penteler: Heta Birêz Ocalan azad nêbo meseleya Kurdan çareser nêbena

Endama IPPNWyî Gisela Pentelere dîyar kerd ke ê paştî danê kampanyaya ‘Abdullah Ocalanî rê Azadî, Meseleya Kurdan rê Çareserî’.

33 aşmî yo Serekê PKKyî Abdullah Ocalanî ra xebere nîna girewtene. 10ê Teştîna Verêne de kampanyaya ‘Abdullah Ocalanî rê Azadî, Meseleya Kurdan rê Çareserî’ dîyaye dest pêkerdene.

Kampanya, 74 welatan de dîyaye dest pêkerdene û 2 aşmî ra nata çalakîyî yenê kerdene. Sazîya IPPNWyî zî paştî daya kampanya û endama sazîye Gisela Pentelere JINNEWS ra Rozerîn Gultek3ine rê erjnayîşî kerdê.

‘Tecrîd sey îşkenceyî yeno qebûlkerdiş’

Pentelere dîyar kerd ke tecrîdo ke Abdullah Ocalanî ser de yeno ramitene û va, “Mîyanê pawitoxanê heqan de tecrîd sey îşkenceyî yeno qebûlkerdiş. Tirkîya endamê peymanan a û nê peymanan îxlal kena. Hetê CPTyî ra Îmrali ame zîyaretkerdiş la Tirkîya nêverda CPT raporê xo eşkera bikero.”

‘Ocalan eşkeno prosesê haştîye bibo dest pêkerdiş’

Pentelere dîyar kerd ke welatê Ewrûpayî qey menfeatê xo verê Tirkîya de yê û va, “Dewletê Ewrûpayî qey menfeatê xo Tirkîya rê veng nêkenê. Vera înan zî şarî paştî danê Ocalanî. Kurdî ey sey rayberêk vînenê û paradigmaya ci teqîb kenê. Coka, azadîya ci ya fizîkî eşkena rayîrê prosesê azadîye abikera.”

‘Heta Birêz Ocalan azad nêbo meseleya Kurdan çareser nêbena’

Petelere peynî de dîyar kerd ke ê kampanya sey gamêka muhîme vînenê û va, “Ma tewrê kampanya bîyê çunke ma nîya bawer kenê ke heta Birêz Ocalan azad nêbo meseleya Kurdan çareser nêbena. Na kampanya zaf muhîm a la bes nîya. Hema tam nêrasaya her ca. Malumatê kampanya mîyanê Kurdan û aktîvîstan de manenê. Ma ganî na mesela bifînê çapemenîya girseyî. Ganî paştîdayîşî xurt bibê ke kampanya vila biba.”

YENÎ YAŞAM