Fîras Qesas: Ganî pêro Sûrîyeyijî Îdareyê Xoserî bipawê

• Serekê Partîya Demokrasî û Hemdemî ya Sûrîyeyî Fîras Qesasî va, “Tirkîya vera Îdareyê Xoserî ters û hêrsê xo dana teber, ganî pêro şarê Sûrîyeyî paştî bidê Îdareyê Xoserî.”

Tirkîya her roje vera Bakûr û Rojhelatê Sûrîyeyî gef û hêrîşanê xo zêdînena. Îdareyê Xoserî yê Bakûr û Rojhelatê Sûrîyeyî vera nê gef û hêrîşan, seba ke hedrerîyî bêrê kerdene rewşa awerte îlane kerdibî. Serekê Partîya Demokrasî û Hemdemî ya Sûrîyeyî Fîras Qesasî derheqê rewşe de qisey kerdo.

‘Derdê Erdoganî Îqtîdar de mendiş o’

Fîras Qesasî va, “Erdogan wazeno bi şantajan raye bigero. Bi kerdenanê xo û sûcanê xo wazeno fikrê Tûrantî hîra bikero. Ekonomîyê Tirkîya qedîyayo, wazeno bi şerî înan bitemirno. Tek derde Erdoganî îqtîdar o. Erdogan  kesêko populîst o. Fikir û erjî seba ey muhîm nîyê. Wazeno Sûrîye de bi waştişanê xo kerdenan bikero û emrê îqtîdarê xo derg bikero. La wazeno ke Bakûr û Rojhelatê Sûrîyeyî de îdareyêko senîn esto. Terseno ke tîya bandorê corî bikero coka şerî ramneno. Tirkîya tena çim nêverdaya Minbîc û Til Rifet, eke şertî destûr bidê sînorê îşxalkarîya înan nîna.”

‘No ma rê îmtîxanêko pîl o’

Fîras Qesasî derheqê têkilîyanê Îdareyê Xoserî û Hukmatê Şamî de va, “Seba ke îşxalê Tirkan bêro vindarnayîş û Îdareyo Xoser bêro pawitiş, ganî pêameyîşêk bibo. No seba pawitişê erjanê demokratîkan û heqanê komele, seba ma îmtîxanêko pîl o. Ez hêvî kena rejim sozê xo yê pawitişê sînorî ano ca. Ma zanê ke Îdareyo Xoser derheqê pawitişê komele de wayîrê xetanê sûran o. Qerarê îlankerdişê rewşa awarteye, vera gefanê Tirkîya qey pawitişê şarî û xoverdayîşî gamêka sîyasî û hiqûqî bî. Semedê amayoxê mintiqa ganê pêro Sûrîyeyijî paştî bidê QSDyî. Şer û hêrîşê Tirkîya vera îradeyê şaran yenê kerdene.”

ANHA/NAVENDA NÛÇEYAN