Ganî Hukmatê Şamî şaşîtîyêka pîle mekero

EHMED EL ASAF / ANHA / REQA

Derheqê têtkilîyanê Hukmatê Şamî û Tirkîya de Hesen Koçerî hişyarîye kerde ke, Hukmatê Şamî şaşîtîyêka tarîxî mekero.

Vîzêr bi mabênkarîya Rusya Moskova de heyet Tirkîya û Hukmatê Şamî ameyê têhet. Hetkarê Hemserekê Îdareyê Xoserî yê Bakur û Rojhelatê Sûrîyeyî Hesen Koçerî derheqê pêvînayîşan de va, “Muqaveleyê ke wextanê pêyênan de mabênê Hukmatê Şamî û rejîmê Tirkan de yenê îmzakerdiş, Sûrîyeyî fînenê tenganîye.”

Hesen Koçerî va, “Dewleta tirke ya îşxalkare wazena sey Hetayî erdê Sûrîyeyî û mintiqaya Bakur û Rojhelatê Sûrîyeyî îşxal bikera. Şarê mintiqaye do vera nê muqaveleyan xo ver bidê û înan red bikerê. Eke dewleta tirke hêrîşa Bakur û Rojhelatê Sûrîyeyî kena û no qerar zî eke kombîyayîşê hîrêlezgeyî de ameyo girewtene, îdareyê Şamî xetayêka tarîxî kerda.”

Çareserîye

Hesen Koçerî peynî de va, “Ganî seba çareserîye, erdê Sûrîyeyî ser de sîstemêko otonom bêro awankerdiş. Çimeyê binê erdî yê Sûrîyeyî, yê pêro şarî yê. Eke nîya bibo do pêro meseleye sîyasî, komelkî û ekonomîkî çareser bibê. Ganî îdareyê Şamî şarê mintiqaye de bêro werî.”