‘Ganî ma bi rike Kirmanckî qisey bikerê’
yekşem 15 gulanê 2022 - 16:20
- Nuştox Mûtlû Canî va, “Seba ke ma çerxê asîmîlasyonî bişiknê, ganî ma bi rike Kirmanckî qisey bikerê.”
Nuştox Mûtlû Canî va, “Seba ke ma çerxê asîmîlasyonî bişiknê, ganî ma bi rike Kirmanckî qisey bikerê.”
Kovara Hawarî hetê Celadet Elî Bedirxan û embazanê ci ra ame hedrekerdiş û 15ê Gulane 1932yî de dest bi weşana xo kerde. Na roje 2006î ra nate sey ‘Roşanê Ziwanê Kurdkî’ yena p3irozkerdiş. Na roje de meseleyê ziwanî yenê qiseykerdiş û seba ke ziwanê Kurdkî bibo wayîrê statuyî çalakîyî yenê viraştene.
Otoasîmîlasyon
Nuştox Mûtlû Canî va, “Tirkîya de Kurdî raştê asîlmîlasyonanê zaf giranan ameyê. Ziwan û kulturê yewna şarî hende tehda bidîyêne, do vîndî bibîyêne. La Kurdan xoverdayîşê estbîyayîşî danê. Tayê vanê Kirmanckî ver bi vîndîbîyayîşî ya şona. No zaf xelet o. Dewlete waşta Kirmanckî vîndî biba. Ma ganî bi rike Kirmanckî qisey bikerê. Qet nêbo ma eşkenê bi no qeyde ziwanê xo neqlê nivşanê neweyan bikerê.”
‘Ganî xebatê alternatîfî bêrê kerdene’
Canî derheqê şuxilnayîşê ziwanî de va, “Ganî bi Kirmanckî xebatê alternatîfî bêrê kerdene. Kirmanckî ganî medyaya sosyale de bi aktife bêra şuxilnayene. Ma ganî seba heqê ziwanî zor bidê dewlete. Çi ma dest ra yen oma ganî bikerê û ganî ma timûtim çalak bibê. Heta ke ziwanê ma wayîrê statuyêk nêbo nêşkeno pay ra bimano. Ma ganî timûtim seba statuyê ziwanî bixebitîyê.”
MA / IZMÎR