Hetê ANKA-DERî ra bi wesîleya Roşanê Ziwanê Kurdkî panelêk ame viraştene.
ANKA-DERî bi wesîleya Roşanê Ziwanê Kurdkî Enqera de panelêk viraşt. Panel de nuştox Adar Jiyan, Mamosteya Kirmanckî Ferîde Akturane û wendegehê zaningehî Fatma Demîragaçe qisey kerd.
Kovara Hawarî mîlad o
Mamostaya Kirmanckî Ferîde Akturane bale ante Kovar Hawarî ser o û va, “91 serrî Celadet Bedirxan û embazanê ci gamêka şorişgerî eşte û no şorişo kulturî ewro zî xebatanê Kurdkî rê bena çimeyê îlhamî. Kovara Hawarî, hetê ziwan, kultur, nasname û edebîyatî ra bîya raybera vurîyayîşan. Nuştoxê sey Osman Sebrî, Nurettîn Zaza û Cegerxwîn rasayê û kovare seba ziwanê Kurdkî û edebîyatê Kurdkî bîya sembole.”
Ma bi koçberîye ziwanê xo ra dûrî kewtê
Demîragaçe bale ante polîtîkayanê koçî ser û va, “Ma mecbûr mende ke koç bikerê û ma ziwanê xo ra dûrî kewtê. Perwerde ke dest pêkeno, têkilîya ziwanî qerifîyena. M abi qedemeyanê mektebe hîna zîde ziwanê dayîke ra dûrî kewenê û nêşkenê ziwanê reyde qisey bikerê û binusê.”
MA / ENQERA
parvê bike
Nûçeyên ku dikare bala we bikşîne
