Ganî pêro Kurdî seba azadîya Rayber Ocalanî bixebitîyê

Pêşmergeyanê Dêrînî va, “Bi azadbîyayîşê Rayber Ocalanî do meseleya Kurdan a her perçeyê Kurdistanî bi raya haştîyane çaresere biba.”

Pêşmergeyanê Dêrînî dîyar kerd ke ganî sîyasetmedarê Kurdan ê her çar leteyê Kurdistanî seba azadîya Rayber Ocalanî pîya kar bikerê û înan va, “Bi azadbîyayîşê Rayber Ocalanî do meseleya Kurdan a her çar leteyê Kurdistanî bi raya haştîyane çaresere biba.

Kampanyayê ke seba azadîya Rayber Ocalanî yenê ramitene, seranserê Kurdistan û Ewrûpayî de dewam kenê. Pêşmergeyê Dêrînî zî paştî danê kampanyaya azadîya Rayber Ocalanî.

Pêşmergeyanê Dêrînî yê parêzgehê Hewlerî ra Elî Çaw Şînî va, “Ganî her kes seba azadîya Rayber Ocalanî bixebitîyo. Bi azadbîyayîşê Rayber Ocalanî do haştîye awane biba. Ganî Tirkîya na meseleye fam bikera.”

Reyna Pêşmergeyê Dêrînî Mihsîn Deştî zî dîyar kerd ke qet kesêk qasê Rayber Ocalanî heqanê Kurdan ser o kede nêdaya. Mihsîn Deştîyî va, “Qet sûcêkî Rayber Ocalanî çin o. Seba ke heqanê Kurdan pawito ameyo girewtiş û erzîyayo zindan. Rayber Ocalan rayberê pêro Kurdan o. Tepiştişê ey planêko mîyanneteweyî bi. Rayber Ocalan eşkeno meseleyanê çar leleyê Kurdistanî, bi taybetî ya Kurdistanê Bakurî çareser bikero.”

ROJNEWS / HEWLÊR