‘Ganî vera Tirkîya qeweto eskerî bêro şuxilnayîş û hetê ekonomîyî ra bêra cezakerdiş’

duşem 20 hezîranê 2022 - 10:50

  • Serekê Koalîsyonê Nasirî yê Kerkukî Ezzam El-Hemdanîyî hêrîşê Tirkîya rexne kerdê.

Serekê Koalîsyonê Nasirî yê Kerkukî Ezzam El-Hemdanîyî hêrîşê Tirkîya rexne kerdê.

Tirkîya demêk ra nat hêrîşê xo yê Kurdistanê Başûrî zêdînayê. Nê polîtîkayî hetê serekê Koalîsyonê Nasirî yê Kerkukî Ezzam El-Hemdanîyî ra ameyê rexnekerdiş. Hemdanî vano ganî Tirkîya bi goreyê Hiqûqê mîyannetewîyî bêra cezakerdiş. Hemdanî vano ganî vera Tirkîya hem hetê eskerî hem hetê ekonomîyî ra cewabî bêrê dayene.

Hêrîşa Sinûneyî

15 Hezîrane de qezaya Şengalî ya Sinûneyî de Meclîsa Şarî û bazar hetê sîhayanê Tirkîya ra ameyê bombakerdiş. Salih Xidir Nasoyo 12 serrî ame qetilkerdiş. 

Hêrîşa Kelarî

17ê Hezîrane de Kelarê Silêmanîyeyî de wesayîtêk hetê sîhayanê Tirkîya ra ameye bombakerdiş. Wesayîtî de endamanê konseyê îdareyê xoserî ra Ferhat Şiblî û hîrêna kesî estibî. Nê çar kesî ameyê qetilkerdiş.

Cinazayê înan 19ê Hezîrane de Silêmanîye ra ameyê girewtiş û erşawîyayê Rojava. Fermandarîya QSDyî derheqê meseleye de malûmatêk da.

ROJNEWS / KERKUK-SILÊMANÎYE

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.