Goş nêna vateyê ‘Resim xêzkerdiş guna yo’yî ser û bi ressam

• Abburrahman Akçakaya goş nêna vateyê merdimanê xo yê ‘Resim xêzkerdiş guna yo’yî ser û bi ressam.

Abburrahman Akçakaya goş nêna vateyê merdimanê xo yê ‘Resim xêzkerdiş guna yo’yî ser û bi ressam.

Keyeyê ey nêwaştêne o şêro mekteb la ey bi îmkananê xo qeydê xo yê mektebî viraşt. Ey cehd kerd, xebitîya û rasa xeyalanê xo. Nika Abburrahman Akçakaya bîyo ressamêko baş. Akçakaya hem kargeha xo de xebitîyeno hem zî dêsanê parkan rê resiman xêz keno. Abburrahman 11 serrîya xo de dest bi mektebî kerd û her roje seba ke şêro mekteb 5-6 kîlometre peyatî şîyêne. Abburrahman Akçakaya Licêyij o. O dima Dîyarbekir de Lîseya Huneranê Rindan de waneno û Zaningehê 9 Êlule de waneno. Serra xo ya pêyene zî bi programê Erasmûsî Fransa de Zanigehê Bordeauxî de waneno. Akçakaya 2016î de Izmîr de kargeha xo akerde û tîya de xo aver berd û dima agêra ame Dîyarbekir. Abburrahman Akçakaya nika Dîyarbekir de hem dersanê taybetan dano hem zî kuçeyanê Dîyarbekirî bi resimanê xo xemilneno.

TÎGRÎS HABER / AMED