HDP û Partîya Çep a Keske do kombîyayîşanê şarî bivirazê

HDP û partîya Çep a Keske do mabênê 17-27ê Hezîrane de bajar, qeza, dewe û mehlayan de kombîyayîşanê şarî bivirazê.

HDP û Partîya Çep a Keske, weçînayîşî ra dima seba erjnayîşê netîceyan kombîyayîşî kerdê û nê kombîyayîşî qedîyayê. Netîceya kombîyayîşan de xeylê qerarî ameyê girewtene. 

Goreyê nê qeraran; bajar, qeza, dewe û mehlayan de do kombîyayîşê şarî bêrê viraştene. Mabênê îdareyanê bajar û qezayan de do nîqaşî bêrê kerdene û kombîyayîşê xorexnekerdişî do bêrê viraştene. Nê kombîyayîşan de do rewşa rêxistinîye ser o nîqaşî bibê. Temsîlkarê komelê sivîlî, serekê qeneatî, parlamenterî û îdarekarê partîyan do bibê beşdarê kombîyayîşan. 

Kombîyayîşî do 17ê Hezîrane de dest pêbikerê û 27ê Hezîrane de zî do bêrê temamkerdiş. Kombîyayîşê şarî do hîna zêde cayanê akerdeyan de bêrê viraştene.

Welatîyî do qisey bikerê

Yeno pawitene ke do xeylê kesî bibê beşdarê kombîyayîşan. Kombîyayîşan de do welatîyî qisey bikerê û fikranê xo vajê. Roşan de zî do hetê hetê xebatkaranê partîyan ra zîyaretî bêrê kerdene.

Xebatê konferansî

Kombîyayîşanê xorexnekerdiş û yê şarî ra dima zî do xebatê konferansanê mintiqayî û merkezîyan dest pêbikerê.

MERKEZÊ XEBERAN