Hemserekê DTKyî Ozturk: Ganî Abdullah Ocalan azad bibo

çarşem 1 teşrînê 2023 - 15:46

  • Hemserekê DTKyî Berdan Ozturkî dîyar kerd ke çareserîya meseleya Kurdan de tek muxatab Abdullah Ocalan o û va, “Seba ke Birêz Ocalan bieşko rol û mîsyonê xo biyaro ca ganî azad bibo.”

MA / Mujdat CAN / AMED

Serekê PKKyî Abdullah Ocalanî ra 31 aşmî yo xebere nîna girewtene. Seba azadîya fizîkî ya Abdullah Ocalanî û çareserîya demokratîke ya meseleya Kurdan Amed û Îstanbul de di deklerasyonê cîyayî ameyê dayene. Eşkerayîya Amedî de hetê nêzdîyê 200 partî û sazîyanê sivîlan ra îmzayî ameyê dayene. Deklarasyonê Îstanbulî rê zî hetê 78 roşnvîr, nuştox, sîyasetmedar û rojnamegeran ra îmzayî ameyê dayene. Her di deklarosyanan de zî ame dîyarkerdiş ke ganî meseleya Kurdan bi rayanê demokratîkan bêra çareserkerdene û Serekê PKKyî Abdullah Ocalan ganî mîsyonê xo biyaro ca. Hemserekê DTKyî Berdan Ozturkî deklarasyonî erjnayê û dîyar kerd ke seba çareserîya meseleya Kurdan ganî Abdullah Ocalan azad bibo.

 

‘Çareserî felsefeya Birêz Ocalanî ya’

Hemserekê DTKyî Berdan Ozturkî bale ante mîsyonê Abdullah Ocalanî ser o û va, “Birêz Ocalan, çareserîya meseleya Kurdan de muxatab o tek û muxatabo bingeyî yo. Birêz Ocalan tena seba mintiqaya ma ney seba şaranê Rojhelatê Mîyanênî û pêro şaranê bintestan rê bîyo hêvîyêk.”

Ozturkî dîyar kerd ke îqtîdar behsê merganê sivîlan ê şerê Îsraîl-Filistînî keno û Bakur û Rojhelatê Sûrîyeyî de zî bombayan varneno şarî ser. Ozturkî va, “Mesele nîya nîna çareserkerdene. Çareserîye, bi fikir, îdeolojî û felsefeya Birêz Ocalanî yena awankerdene. Na felsefe ewro Bakur û Rojhelatê Sûrîyeyî de ciwîyena.”

 

‘Ganî azadîya fizîkî awan biba’

Ozturkî dîyar kerd ke 31 aşmî yo Serekê PKKyî Abdullah Ocalanî ra qet xebere nîna girewtene û va, “Seba ke Rojhelato Mîyanên de haştîye û azadî bêrê qiseykerdene û mumkin bibê, ganî Birêz Ocalan mîsyonê xo biyaro ca û azad bibo. Ganî cîhetê cîyayî zî na mesele de bêveng memanê û vengê xo bikerê. Ma zanê ke eke ma pêro pîya têbigêrê, ma do netîceyêk bigerê. Polîtîkayanê tecrîdî de israrkerdiş şerî hîna keno giran. Rayîrê cuyêka neweye, azadbîyayîşê Birêz Ocalanî ra vîyareno.”

parvê bike

   

Yeni Özgür Politika

© Copyright 2023 Yeni Özgür Politika | Mafên belavkirinê parastî ne.