Hêrişan ver 2 mîlyon kesî bê ceyran mendê

Hêrişanê Tirkîya ver Bakûr û Rojhelatê Sûrîyeyî de 2 mîlyon kesî bê ceyran mendê.

Tirkîya, mabênê 12-14ê Çeleyî de Bakûr û Rojhelatê Sûrîyeyî rê xeylê hêrişê hewayî kerdê. Hêrişan de tesîsê ceyran, awe û petrol û xazî hedef gêrîyayê.

Goreyê malumatanê Konseyê Enerjîyî yê Îdareyê Xoserî yê ke dîyayê ANHAyî; Îstasyonê Siwêdiya yê Derîkî yê ke ceyran û xazê Kantonê Cizîrî peyda keno bi temamî xirabe bîyo. Kantonanê Cizîr û Firatî de 7 îstasyonê ceyranî yê bînî zî xirabe bîyê.

Hemserekê Ofîsê Enerjîyî yê Îdareyê Xoserî Ziyad Rustemî dîyar kerd ke îstasyonê ceyranî yê Tirbespîyê, Qamişlo, Amûdê, Dirbêsiyê, Eyn Îsa, Kobanê û Til Temirî xirabe bîyê û nêşkenê xizmet bidê. Ey dîyar kerd ke 2 mîlyon kesî bê ceyran mendê.

MERKEZÊ XEBERAN