Hêrişanê Tirkîya ver Rojava de 1 mîlyar dolar xisar virazîya

Hêrişê Tirkîya yê ke Bakur û Rojhelatê Sûrîyeyî rê benê 4ê Teşrîna Verêne ra nat dewam kenê û hêrişan ver 1 mîlyar dolar xisar virazîya.

Hêrişê Tirkîya yê ke 4ê Teşrîna Verêne ra nat Bakur û Rojhelatê Sûrîyeyî rê benê dewam kenê. Hêrişan de 47 kesan cuya xo vîndî kerde û 59 kesî zî birîndar bîyê.

Xisar 1 mîlyar dolar vîyarna

Goreyê xebera ANHAyî, Îdareyê Warê Petrolî yê Rimêlanî derheqê xisaran de raporêk eşkera kerd. Raporî de ame dîyarkerdiş ke xiraso ke bîyo 1 mîlyar dolarî vîyarnayo.

Dirîyîye kenê

Îdarekarê Warê Petrolî yê Rimêlanî Ehmed Îbrahîmî dîyar kerd ke hêzê mîyanneteweyî û sazîyê heqanê merdiman hêrişan rê veng nêkenê û dirîyîye kenê. Îbrahîmî dîyar kerd ke bi saya ekîpmananê depoyan warê ke nêşkeyê xizmet bidê ameyê temîrkerdiş û cayanê bînan de zî xebatê temîrkerdişî yenê kerdene.

YENÎ YAŞAM