Heta ke tecrîd mewarîyo demokrasî awan nêbeno

Wekîlsereka Grûba HDPyî Meral Daniş Beştaşe dîyar kerd ke, heta ke tecrîd wemedarîyo demokrasîyo raştêkîn nîno awankerdiş.

Nobeta Edaletî ya ke vera tecrîdî hetê parlamenteranê HDPyî ra meclîse de yena girewtene dewam kena. Hetê parlamenteranê HDPyî ra baxçeyê Meclîse de malûmatêk ame dayene.

‘Sîyasetê tecrîdî deşîfrekerdiş’

Meral Daniş Beştaşe va, “Kam benê wa bibê, kesê ke xo demokrat hesibnenê ganî sîyasetê tecrîdî deşifre bikerê. Heta ke tecrîd wemedarîyo demokrasi awan nêbeno. Bi tecrîdî netîceyêk nîna girewtiş. Beno ke şima taloq bikerê la no zî do meseleyanê bînan peyda bikero.”

‘Çareserî qasê dûrîya girawêk dûrî ya’

Beştaşe va, “Ganî seba çareserîye teber ney girawe bêra zîyaretkerdiş. Çareserî qasê dûrîya girawêk dûrî ya. Her kes zano ke, wexto ke Birêz Ocalanî reyde dîalogî ameyêne kerdene, kulturê demokrasîyî aver de şibi û çareserîya demokartîke ser o munaqaşayî ameyêne kerdene. Kesê ke zanê Birêz Ocalan eşkeno nê krîzan çareser bikero  tecrîdî de israr kenê. Baronê şerî nêwazenê tecrîd bêro wedartiş.”

‘Ma wazenê wa hiqûq bêro ramitene’

Beştaşe nîya dewam kerd û va, ‘Tecrîd tena çekuyêk ra îbaret nîyo. Tecrîd seba azadî û teduştîye cayêko krîtîk de yo. Her kes wazeno wa hiqûq bêro ramitene. Şima nêşkenê meseleya Kurdan bi konsepte şerî çareser bikerê. Tecrîdî ra çîyêk nêvejîyeno. Ganî Îmrali bêro padayene û tecrîd bêro bêro wedartene.

Beştaşe peynî de va, “Meseleya Kurdan bi serran ra nat bi şerî nêameye çareserkerdiş. Ma eşkenê şerî biqedînê. Ma ganî bieşkê tayê meseleyan qisey bikerê. Şima waştişanê şarê Kurdî û şaran nêgoştanenê. Şima do sermekewê. Şima do weçînitişî de binbikewê. Ma înan seba weçînitişî nêvanê. Weçinitiş bibo nêbo, tecrîd, sûcê merdimîye û îşkenceyî ganî wedarîyê. Fikrê ma yê her wextî no yo.”

MA / ENQERA