Heyetê Belçîkayî: Ma wazenê Îdareyê Xoserî bişinasnê

Serekê heteyê Belçîkayî Hubert Cormannî zîyaretê xo yê Rojavayî de va, “Ma wazenê Îdareyê Xoserî bişinasnê, paştîdayîşê ewlehîye û ekonomîkî bidê ci.”

Heyetê Belçîkayî, bi serektîya Hubert Cormannî ameyê Rojava û înan Meclîsa Demokratîke ya Îdareyê Xoserî yê Cizîrî zîyaret kerde. Heyet hetê berpirsîyanê meclîse ra ame mêmankerdiş.

‘Ma wazenê çareserîyo sîyasî seba her kesî bo’

Serekê heyetî Hubert Cormannî va, “Ma wazenê çareserîyo sîyasî hîra bo û seba her kesî bo. Welatê ma seba Rojavayî xebatanê hetkarîye ramneno. Ma zanê ke, Daîş tîya de ame binvistiş û ewlehîya tîyayî hetê îdareyê tîyayî ra ameye awankerdiş. Ma cehd kenê ke, îdareyê Xoserî û sîstemê înan ê demokratîkî bişinasnê. Seba ke tîya de îstîkrar bibo, ma xebitîyenê ke hetkarîyanê ewlehîye û ekonomîkî hedre bikerê.”

ANHA / HESEKÊ