Hêzê garontorî kamerayan rê kay kenê!

sêşem 26 tîrmehê 2022 - 19:15

EHMED ESAF / ANHA /  REQA

Hemserekê Komîteya Ewlekarîye ya Îdareyê Xoserî yê Bakur û Rojhelatê Sûrîyeyî Zêdan El-Asîyî va, “Tirkîya heqanê merdiman binpay kena. Ganî sehaya hewayî cade Tirkîya rê bêra padayîş.”

Muqaveleyê ke bi garantorîya Rusya û Amerîkayî ameyê îmzakerdiş, hetê Tirkîya ra yenê îxlalkerdiş. Tirkîya her roje hêrîşa Bakur û Rojhelatê Sûrîyeyî kena. Bi taybetî Rusya vera nê hêrîşan vengê xo nêkena.

Hemserekê Komîteya Ewlekarîye ya Îdareyê Xoserî yê Bakur û Rojhelatê Sûrîyeyî Zêdan El-Asîyî derheqê meseleye de va, “Tirkîya nêşkaye kombîyayîşê Tehranî de destûrê hêrîşe bigera. Aye ra bi SÎHAyan wazena ewlehîya mintiqaye bixeripna. Tirkîya wazena Daîşî newe ra gande bikera. Ganî komela mîyanneteweyî vera plananê Tirkîya hîşyar biba.”

‘Mintiqaye de şer esto’       

Zêdan El-Asîyî va, “Hêzê garantorî medya ser ra vanê ma hêrîşanê Tirkîya qebul nêkenê la hêrîşê topan û SÎHAyan nînê vindarnayîş. Ma mintiqaya xo de Tirkîya reyde mîyanê şerî de yê. Hêzê Hukmatê Şamî nêkewenê mabênê mintiqayanê Bakur û Rojhelatê Sûrîye û artêşa Tirkîya û çeteyanê ci. Teber de manenê. Hêrîşî tim yenê rexnekerdiş la paratîk de çîyêk nêbeno.Muqaveleyî hetê Tirkîya ra îxlal bene la vengê kesêkî nêvejîyeno. Tirkîya îstîqrarê mintiqaye xeripnena. Ganî sehaya hewayî hetê Konseya Ewlekarîye ya Neteweyanê Yewbîyayîyan ra Tirkîya rê bêra padayîş.”

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.