Hinek Henek newe ra temaşekerdoxan de yeno têhet

Hinek Henek do 29-31ê Temûze de baxçeyê Zarok Mayî de temoşekerdoxan de bêro têhet.

Ekîba Hinek Henekî germayîya hewayî ver qasê mudeyêk mabên dabi xebatanê xo. Hinek Henek do 29-31ê Temûze de neweyî ra temaşekerdoxan de bêro têhet. Skec û kayê tîyatroyî do sehneyê Zarok Mayî yê serakerdeyî de bêrê kaykerdene.

Cerebeyê neweyî

Kaykerdoxanê Hinek Henekî ra Berfîn Emektare va, “Şar elaqeyo pîl mojneno Hinek Henekî. Seba ke zaf bi germ, ma mudeyêk mabên dabi xebatanê xo. La ma qerar da ke kayanê xo baxçeyê Zarok Mayî de kay bikerê. No seba ma cerebeyêko newe yo. Ma do reya verêne sehneyê serakerdeyî de kay bikerê. Baxçe de 450 kesî eşkenê ca bibê. Ma hêvî kenê ke temaşekerdoxê ma wayîrê ziwan û kulturê xo vejîyenê.”

Berfîn Emektare va, “Paştîdayîşêko pîl dîyeno ma, coka ma zaf keyfweş ê. Ma do her roje 6 skecan kay bikerê û skecê her roje do cîya bê. Kay û skecê neweyî zî do bêrê kaykerdiş. Ma do 20ê Teşrîna Verêne de festîvalê tîyatroyî rê mêmandarîye bikerê. Man ika ra kewtê mîyanê hedreyîyan.”

Bernameyê Hinek Henekî yê Zarok Mayî wina yo:

*Timarxane, Xalê Şêro, Olîmpos, Ne komîk, Perê û Hîvê û Îşê Te Pê Çi Ye(29-07-2022) saete (20.30)

*Navê Zarokan, Olîmpos, Perê û Hîvê, Xalê Şêro, Ne komîk û Îşê Te Pê Çi Ye (30-07-2022) saete (20.30)

* Timarxane, Silêmanê Pêxwas, Mulaqat, Xalê Şêro, Ne komîk û Îşê Te Pê Çi Ye(31-07-2022) saete (20.30)

MA / AMED