Îdarekarê Îdareyê Xoserî û temsîlkarê Amerîka ameyê têhet
pêncşem 12 Çileyê 2023 - 17:58
Daîreya Têkilîyanê Teberî ya Îdareyê Xoserî, temsîlkarê Amerîka yê Bakûr û Rojhelatê Sûrîyeyî Nicholas Graingerî kerd mêman.
Daîreya Têkilîyanê Teberî ya Îdareyê Xoserî, temsîlkarê Amerîka yê Bakur û Rojhelatê Sûrîyeyî Nicholas Graingerî reyde ameye têhet. Heyetê Îdareyê Xoserî de, Hemserekê Daîreya Têkilîyanê Teberî ya Îdareyê Xoserî Çîya Kurd, Hetkarê Hemserekî Fener El Giêt, Robîl Biho û Endama Komîteye ya Îdareyê Xoserî Gulîstan Elî ca girewt.
Pêvînayîşî de, sere de rewşa Bakur û Rojhelatê Sûrîyeyî, Sûrîyeyî û pêvînayîşanê Tirkîya û Hukmatê Şamî ser o erjnayîşî bîyê.
Bedran Çîya Kurdî dîyar kerd ke, ganî mudaxeleyanê sîyasîyanê teberi ra dûrî çareserîyêk bêra awankerdiş û awankerdişê çareserîye bi destûrê pêro Sûrîyeyijan bêro kerdene.
Heyetê Amerîka zî dîyar kerd ke, bi destûrê pêro Sûrîyeyijan û bi goreyê qanûnê NYyî yê 2254î derheqê çareserîya sîyasî de fikrê ma eşkera yo. Înan dîyar kerd ke, vernîyê normalbîyayîşî de xeylê astengîyê estê.
Pêvînayîşî de sewbîna, tehtîdanê Tirkîya û faalîyetanê DAÎŞî ser o zî erjnayîşî ameyê kerdene.
Çîya Kurdî derheqê rewşe de dîyar kerd ke, hêrîşê Tirkîya dewam kenê û bingeyê hêrîşanê înan raştîyan ra dûrî yê.
MERKEZÊ XEBERAN