Katalonya paştî dana şarê kurdî

• Parlamentera Katalane Eulalia Reguanta ke partîya CUPÎ temsîl kena derheqê hêrîşanê dewleta tirke yê vera Rojawanî de tayê erjnayîşî kerdî.

Parlamentera Katalane Eulalia Reguanta ke partîya CUPÎ temsîl kena derheqê hêrîşanê dewleta tirke yê vera Rojawanî de tayê erjnayîşî kerdî.

Parlamentera katalone Eulàlia Reguante vera hêrişanê Tirkîya nêrazîbîyayîş mojna û vat ke şaro katalon tim paştî bido kurdan.

Eulàlia Reguante vat: “Tirkîya senî ke Vakur de bi serran o bi hawayêkê sîstematîkî hêrişê şarê kurdî kena, nika hêrişê Rojawanî kena. Rejîmê Erdoganî nika herême bombarduman keno û îşxal keno. Komelo mîyanneteweyî û bitaybetî Spanya ke bi Tirkîya têkilîyanê xo yê leşkerîyan domnena, bi bêvengîya xo benê hemkarê nê hêrişan. Huqûqo mîyanneteweyî yeno binpaykerdene. Na rewşêka giran a ke merdim qisawet keno. Gama ke heme çimî açarîyayî Ukrayna nê binpaykerdişê heqan dîyayî destpêkerdene. Katalonya tek parlamentoyo ke Îdareyê Xoserî yê Rojawanî nas keno. Ma binpaykerdişê huqûqê mîyanneteweyîyî yê Erdoganî şermezar kenê.”

Reguante wina dewam kerd: “Têkilîya Erdogan û DAÎŞî xora yena zanayene. Erdogan semedê şerkerdişê herême na raştîye ra feyde keno. Na rewşêka zaf giran a û eybêko pîl o. No mojneno ke Erdogan senî otorîter û despotîk o. Coka ganî komelo mîyanneteweyî bêveng nêmano û têkilîya xo bi Erdoganî bibirno. Dinya seba ke vera hêrişanê dewleta tirke yê vera Rojawanî bêveng a, xîyanetê ercane demokratîkan kena. Na bêvengîye ercê demokrasîya Ewropa zî ramojnena. Şarê katalanî senî ke Parlamentoyê Katalonya serrêke verî îfade kerd, tim paştî dano têkoşînê kurdan û projeyê konfederalîzmê demokratîkî û ercanê ci paweno û do tim bipawo.”

XWEBÛN