KCKyî seba serrgêra wefatê Mam Celalî mesajêk weşana

Mam Celal Talabanî 5 serrî verî cû wefat kerdibi. KCKyî seba serrgêra wefatê ey mesajêk weşana.

Konseya Îdareyî ya KCKyî seba serrgêra wefatê Mam Celalî mesajêk weşana. KCKyî mesajê xo de va, “Serek Mam Celal Talabanî, sey serkeş, xoverdayox, sîyasetmedar û şexsîyetê welatperwerî hem seserra 20ine de hem zî seserra 21ine de, mohrê xo dayo tarîxê xebat û xoverdayîşê şarê Kurdî rê. Ma hêvî kenê yadkerdişê Mam Celalî bibê sebebê yewîtîya netewî û xoverdayîşê vera hêrîş û îşxalkarîya ser Kurdistanî.”

Mesajê KCKyî wina yo:

“Serrgêya 5ine ya wefatê Mam Celal Talabanîyî yê Serekkomarê verî yê Iraqî û Sekreterê Pêroyî yê YNKyî de, ma verê xoverdayoxê pîlî yê şarê xo û xebatanê ey ê pîl û pîrozan de sereye xo çewt kenê.

Serek Mam Celal Talabanî, sey serkeş, xoverdayox, sîyasetmedar û şexsîyetê welatperwerî hem sesera 20ine de hem zî seserra 21ine de, mohrê xo dayo tarîxê xebat û xoverdayîşê şarê Kurdî rê. Şexsîyet û xoverdayîşê Mam Celalî tena Kurdistanê Başûrî de ney, pêro leteyanê Kurdistanî de wayîrê rol û bandorî bîyê. Bi taybetî hevaltî û dostanîya Mam Celal, Rêber Apo û momosta Îbrahîm Ehmedî vernîyê destvisteyanê netewîyan akerda û yewîtîya netewî ya çar leteyê Kurdistanî rê bîya bingeyêk.

Bi taybetî verê nêweşîya xo Mam celalî bi zerrsafîye, seba azadîya Rêber Apoyî, dest bi amadekarîya konferansê mîyannetewîyî kerdibî.

Niha çar leteyê Kurdistanî de îşxalkarîye esta, Rojhelato Mîyanên kewto mîyanê krîzanê sîyasîyan û nika pêro wextan ra zêder şexsîyetê neteweyî yê Mam Celalî rê hewcedarîye esta. 

Ma hêvî kenê wa yadkerdişê Mam Celalî bibo sebebe yewîtîya netewî û xoverdayîşê vera hêrîş û îşgalkarîya ser Kurdistanî.”

MERKEZÊ XEBERAN