Remzî Kartal: No proses prosesê vurîyayîşan o

• Hemserekê Kongra Gelî Remzî Kartalî dîyar kerd ke, prosesê çarreserîye mela bi muxatabîya Abdullah Ocalanî û  bi azadîya ey awan bibo.

Hemserekê Kongra Gelî Remzî Kartal, derheqê erdlerze, qerarê çalakînêkerdişê KCKyî, weçînitiş û rayanê çareserîye de Rojnameyê Yenî Yaşamî rê erjnayîşî kerdê. Kartalî dîyar kerd ke, qerarê çalakînêkerdişê KCKyî her kesî ser o bandor kerd û hetê sîyasî ra zî tesîr kerd.

‘Ganî vera hêrîşan hedreyîyê bibê’

Kartalî dîyar kerd ke, destê Erdoganî de bê şerî çîyêk nêmendo û va, “Beno ke hêrîşê şerê taybetî, paramîlîterî û mafyayî bibê. Erdogan waşt vera Rojavayî çîyêk bikero la destûr nêgirewt. Nika zî wazeno xo Putîn rê nêzdî bikero la uca ra zî çîyêk nêvejîya. Tena destê ey de hêrîşî mendê. Ganî komelê Kurdistan û Tirkîya baldar bê û nê hêrîşan zî puç bikerê. HDP sey rayîrê hîrêyinî cayêko kilît de ya.”

Çareserîye Îmrali de ya

Kartalî va, “Tirkîya nêşkena bi nê krîzan cuya xo biramna. Kam beno bibo, îqtîdaro ke yeno do bikewo binê barekî giranî. Ganî prosesê vurînayîşan bêro dest pêkerdene. Ganî hêzê demokrasîyî û Xoverdayîşê Azadîya Kurdistanî bêrê dîyayene. Hêza ma vurîyayîşan rê qîm kena. Ganî Îmrali rê muracat bibo û berê ci bêrê akerdene. Dewlete, bi pêro partîyanê xo wazena polîtîkayanê meseleya kurdan biramla la hinî nêşkena ray ra bera. Şansê dewlete çin o ke bi polîtîkayanê verênan xo biramna.”

Prosesê vurîyayîşî

Kartalî azadîya Abdullah Ocalanî waşte û va, “Amed de Rayber Apoyî de verarşîyayîş. No şertê prosesî yo bingeyîn o. Seba ke proses aver de şêro û awan bibo, ganî Rayber Apo mîyanê prosesî de bo û rolê xo cabiyaro. Ganî Rayber Apoyî de dîalogî bibê û çareserîye bêra awankerdene. 2013 de dewlete seba ke hedreyîya şerî bikera prosesêk pêard. 10 serrî de çi destê înan ra ame înan kerd la netîce nekewt înan dest. Hinî wextê prosesê vurîyayîşan o. Prosesêk ke awan bibo, ganî Birêz Ocalan muxatab bêro girewtiş. Eke Birêz Ocalan muxatab nêro girewtiş ma nêşkenê paştî bidê û tede ca bigerê. Ma wextêkî tarîxî ra vîyarenê. Ganî ma bêrê têhet. Armanc no yo ke şarê birasê sîstemêkî demokratîkî.”

MERKEZÊ XEBERAN