Prosesê ‘bêçalakîye’ de 4 hezar û 848 bombardimanî

Ame dîyarkerdiş ke prosesê ‘bêçalakîye’ de hewa û erdî ra 4 hezar û 848 bormandimanî ameyê kerdene.

KCKyî erdlerzan ra dima qerarê ‘bêçalakîye’ girewtibi û weçînayîşan qerar dewam kerdibi. Hetê KCKyî ra vizêrî malumatêk ame dayene û seba ke hêrişî nêvindenê qerarê ‘bêçalakîye’ ame qedînayene. Derheqê hêrişanê wextê bêçalakîye de malûmatêko newe ame dayene.

Goreyê malumatanê HPGyî, hêrişanê mabênê 9ê sibate û 13ê hezîrane de 32 endamanê HPG û YJA-Starî cuya xo vîndî kerde.

Reyna ame dîyarkerdiş ke mintiqa hewa ra û erdî ra 4 hezar û 848 reye ameya bombakerdene. Ame dîyarkerdiş ke 224 reye topê fosforî, bombayê qedexekerdeyî û kîmyewîyî ameyê gurînayene. Goreyê malumatan, 84 esker û cerdewanan cuya xo vîndî kerde.

MERKEZÊ XEBERAN