Kobanî de derheqê Muqaveleyê Lozanî de semînerêk

Hetê KNKyî ra Zaningehê Kobanî de semînerêk ame dayene.

KNKyî, bi sloganê ‘Ma pîya destkewteyanê Kurdistanî bipawê û Lozanêko bîn rê ney’ Eywana Zaningehê Kobanî de semînerêk da. Semîner de roşnvîrî, endamê partîyanê sîyasîyan, şexsîyetê xoserî, Sazîyê Îdareyê Xoserî yê Mintiqaya Firatî û Hemserekê Zaningehanê Bakûr û Rojhelatê Sûrîyeyî Ebdulîllah Miftefa ameyê têhet.

Tedeyîya semînerî de mîrasê netewîyî yê Kurdan, destkewteyê Kurdan ê Kurdistanê Başûrî, Îdareyê Xoserî yê Rojavayî, hereketê sîyasî yê Kurdistanê Bakurî, hereketê cinîyan ê Kurdistanê Rojhelatî, meseleye mabênê partîyan û problemî, 100 serrî ya Lozanî û meseleyê bînî ameyê qiseykerdiş.

‘Destkewteyî netîceya xoverdayîşê 100 serran ê’

Dr. Ebdulîlah Mistefayî va,”Seba azadîye ganî şar her tewir feodalîzmî ra fek raverdo. Kurdan, bi xoverdayîşê se serran xeylê destkewteyî vistê xo dest. Kurdê Kurdistanê Başûrî, 2005î de rasayê heqêqo resmî. Kurdanê Rojavayî bi xoverdayîşê pîlî Îdareyo Xoser awan kerd. Kurdistanê Bakurî de 1978î ra nat xoverdayîşo pîl esto û ewro meclîse de 60 parlamenterê kewtê dest. Rojhelatê Kurdistanî de zî hereketo sîyasî newe ra bîyo wayîrê hêze.”

Mistefayî derheqê armancê semînerî de va, “Armanc no yo ke, ma wazenê talukeyanê muqaveleyanê ke aleyhê Kurdan de ameyê viraştene tespît bikerê û fikranê sîyasetmedar, roşnvîr û şexsîyetanê xoseran bigerê.”

‘Ma ganî xoverdayîşê xo pîl bikerê’

Mistefayî dîyar kerd ke, Kurdî wextêkî hesasî ra vîyarenê û va, “Ma qisawete kenê ke reyna sey Lozanî muqaveleyêk derheqê Kurdan de bêro viraştene. Coka ma ganî komployanê vera yewîtîya ma berteraf bikerê. Ma ganî xoverdayîşê xo pîl bikerê.”

Beşdaran dîyar kerd ke, seba ke astengîyî çareser bibê û sey Lozanî muqaveleyî tekrar mebê ganî çareserîyî peyda bibê û paştîdayîşî bizêdîyê.

MERKEZÊ XEBERAN